Vijesti / Životni stil i hedonizam
Životni stil i hedonizam
ŽIVOT TETE LIZE (8) Svati bodo na Valentinovo!

ŽIVOT TETE LIZE (8) Svati bodo na Valentinovo!

- Med dečkima koji su došli verestuvat našega japu dok je hmrl, bili su i dečki tijam z drugoga kraja sela. Med njimi je bil i Viktor Toplek, koj je hitil joko name. Jako sem mu se dopala i dok je delal z fljojsari na Dravi, k nam je na zdenec znal po vodu dojti. Dok nas je mama vidla da se pri zdencu spominamo, stirala me v hižu.

Nekak je to čudno v životu. Stvari se poslože dok se najmenje nadjaš. Ne dogo po japini smrti, o čem vam bom drugi pot malo več sprepovedala, općinska je vlast oglasila da se išču radniki za posel v Mađarski. Bugari su tam meli velke plastenike. Povrtlari su bili, ne njim je bilo ravni.

Sadržaj se nastavlja...

Upravo se čita

Delalo se od protuletja do jeseni. Dok je Viktor čul da sem se zapisala, zapisal se i on. Morem z veseljem reči da mi je to bil jen lepi del življenja. Makar smo meli ženske i muške barake, a saki den se jako delalo, osem meseci smo meli za našu ljubaf.

Od protuletja kak smo dišli, pak do jeseni smo ne vidli Međimurje, ali naši domaj su se znali kaj se v Mađarski dela. No, ne baš se. Pisma su putuvala, pak je tak i moji materi došel glas. Zeznalo se za Viktorovu i moju ljubaf. Mama mi je napisala jeno oštro pismo v kojem mi je poslala glasa kaj nam slučajno fačuka dimo donesla.

Viktora mi je branila jer je bil fljojsar. Fljojsari su, osim kaj su pomagali Hirschleru oko drf, bili radniki bez stalnoga posla i šteli su si spiti. Njemu pak su branili mene. Namenili su mu bogatešu deklu. Nek' govori što kaj oče, saki ljubi koga oče. Znate to pesmu? Takva je bila i naša ljubaf.

Mogli su govoriti kaj su šteli, restajti su nas ne mogli. Bila sem stara sedemnajst let. Za naše venčanje koje smo zakazali za Valentinovo, kupili smo jeno leto. Na Mađarski smo ne dobili plaču v penezi za ono kaj smo delali. Dobili smo žito. Žito smo domaj prodali, pak smo si kupili drva, svinju koju smo klali pred Božič i nekaj obleke. Se kaj nam je bilo treba za preživeti zimu.

Slika mesto SMS-a

Ljubaf je čudna stvar, ne pita za mesto niti vreme. Tak mora biti i gotovo. Bila sem mlada dok me ftrefila ljubaf. Ljubaf je svetinja. Neje bilo mobiteli, pošlješ poruku i gotovo, skupa smo. Morali smo čakati priliku kaj se opče vidimo.

A unda, jenoga nedeljnoga popolneva, mi dekle smo se šetalje kre Drave. Sreli smo Viktora... On je žepa zel sliku i dal mi je. To je značilo to, da oče hodati z menom. Da oče kaj bom njegva... da oče kaj bom mislila na njega. To je bilo vreme predi nek smo odišli v Mađarsku na delo.

Slika pod vanjkušom

I jesem. Sakoga dneva, sake noči. Joj, samo da su mama znali. Sliku sem sikam skrivala, samo kaj na ništo videl. Čak i vu vanjkuš. Da su ju našli, sigurno bi ju strgali. I tak, predi nek je došel mi sen na joči sem ga pogljedala, ma znate kaj si se čovek v takvi priliki misli. Ljubaf je ljubaf. Bilo je več časa za ljubaf, doge su večeri bile. Neje bilo struje, televizori, kompjutori... bile su samo misli. Vunje se stane.

Dok je on meni dal sliku, ja sem njemu rekla da ja sliku nemam. Da mu nemam kaj dati. A dala sem mu fnogo. Celo svoje življenje. Zvona svatovska bila su zakazana za samo Valentinovo... tak je i bilo... bom vam i o našim svatima sprepovedala drugi pot.

Fali mi... Denes dok ga več nega, isto su tak večeri doge kak negda. Samo, unda sem znala da se bomo vidli... Na Dravi, dok dojde dimo s posla, da pemo skupa na ples. Kak sem ja njega negda čakala, tak je on mene, dok je hmrl, na leta čakal. Jako dogo. Tam negdi...

I dočakal me...

>>> TETA LIZA Legenda i čuvarica izvorne međimurske pjesme
>>> ŽIVOT TETE LIZE (2) Nečem hmrti na kvartelju
>>> ŽIVOT TETE LIZE (3) Dvesto zlatarski čoni
>>> ŽIVOT TETE LIZE (4) Gospodine, molim dinar
>>> ŽIVOT TETE LIZE (5) Pjesma svakodnevnog življenja
>>> ŽIVOT TETE LIZE (6) Nečem nikakvu pevačicu!
>>> ŽIVOT TETE LIZE (7) Dravski vodenjaki

Pročitajte i ovo
Najgledanija galerija
Izdvojeno
Vezani članci

Reci što misliš!