Povezane vijesti
STARI DEČKO Vugurek v gačaj

STARI DEČKO Vugurek v gačaj

- Ivek, kak Bogeka te prosim naj se srditi. Kuc, kuc, otpri mi vrata, pajdaš. Am naj se srditi! Ti bi bar to moral razmeti. Pak je ne januar kaj se z...

STARI DEČKO V rakiji je ružmarin

Dok je Ivek zgovoril da je Veronika domaj, nesem veroval. Komu, tomu drobnomu žicaru sosedine žganice? Mojemu partneru v gledanju meseca vu vodi? Tomu žgancu koj me navek namrdal kaj znapak zijemo?
Ne!
Ne, ne i ne!

Denes sem ja za njega drvo i kamen. Čovek bez srca i duše. Duh i propuh.

- Znaš kaj, Ivek, prvo, prestani si nervozno rit čohljati kak da imaš gliste – rekel sem. – Otpravljam se z onim altobusom v pol dvanajst v Čakovec. Gospođa z katastra me konačno zvala da je rešeno do kraja ono z međašom. Sem ti rekel da je čovek jako prefrigano si prioral dva reda kuruze. Za pet let moje zemlje nebi niti bilo.

- Nej mi ve tu nekve hibride motati, dok su tak važne stvari f pitanju. Si se štel ženiti z Veronikom? Jesi. Ju imaš još rad? Imaš. Ti je ve pri roki? Jeje. Je žif on njezin krampus od joca? Neje. Znači, pot do nje je čisti kak soza... – ne se to lajuntalo štelo stišati.

Meni su se počele redati slike z mladosti i stare rane tpirati, a on mi soli pamet da sa ta leta zabim kak da su ne bila. E, nedam mu nosa ftikati v svoju tihu patnju. Ljubav koja mi je ne dala spati leta i leta, ne mi je dala dihati i normalno hoditi po belemu svetu. Tak sem ju rad imel. Časna sestra... koja me ostajla kak cipelja v blati, staroga kruha v kišti. E, ve buš ftihnul ili buš kokodakal tam, do kam te bum mogel šutnuti.

Otprel sem širom vrata, z levom rokom ga prijel za šinjak, a z desnom za prazno zadno i pošiknul direktno k potnemi vrati. Ne si je mogel verovati da i on more leteti kak vrabec. E, moreš, dragi pajdaš, još i kak. Ne samo da je skočil na noge kak škorjanec, nego je i preskočil potna vrata. 

Aha, tu ti je ve, za se kaj si mi priprajil ove mesece kak smo skupa! Posebno za on velki bor kojega sem vlekel skupa s tebom. Ve si dobil i srdi se kulko očeš. Ako ja velim da očem denes mira, onda bu tak i nikak drugač, srdit sem bil kak pes.

Navlekel sem debele feringe prek kratki i zakljenol potna i gančena vrata. Spot postelje sem zvlekel kufreka, pokojni japica, Bog njim dušu zveliči, bili su selski brica. A i mrtve su podbrivali s pesmom i veseljem. Domaćem su reklji, nejte se plakati, to tak mora biti. Samo su rekli da su nekoje stvari znapak obrnjene. Ako se čovek narodi s plačom, na on drugi svet mora oditi s pesmom. Ništo njim je ne mogel nikaj. Pri njima je to bilo tak i točka. Ako si pak zamislim, stvarno, čovek beči dok se narodi i si oko njega bečiju dok hmerje. Kaj god. Japice se valjda i pokojni, rado zmisliju.

Si su znali da mali kufrek ima duplo dno. Navek su reklji da roka najbritkeše podbriva nakon trečega gutljaja. Prvi dva su kaj telo dojde v ravnotežu i te dva se ne računaju.

Ah, dragi japica, nesem mislil da bom to flašicu načel, elj največ me navek v oko pehal rožmarin v rakiji. Rekli ste, tak dogo ga bom zaleval dok si ga nam na baledo zakačil i hušnul, Tak je bil sa ta leta, kak da je friško ftrgnjeni...

A neste ga sneli vun jer ja, ja, nigdar sem se ne oženil. Znam kaj bi mi rekli da ste živi. Ono kaj ste i sakomu mladoženji v seli dok se ženil. Da mu, ako oče, posodite fuk federa. No, več su vas si znali po šali. A znali su i to, da vam je fuk feder zdavnja popustil.
Flašica je otprta, japica. Na zdravje. Ona se vrnula. Aleluja.

PRI SOSEDI JANI

- Majčica mila i predraga, kaj ti se dogodilo, Ivek? Ti se spravljaš hmrti? Ili si več tam negdi?? Bledi si kak krpa. Čekaj kaj te sprepetam. Živ si, dobro...

- Žganicu... žganicu prosim, soseda Jana. On tam je ne normalen. Bokibogme, ne su mu si na kupu. Pošiknul me kak snega z lopatom, samo zato kaj sem mu dobro štel. E, neče moči ove noči. Od denes ja več nemam najboljšega pajdaša. V srce me ranil. Dobro kaj mi je ne počilo. Ve bom i v noč sigurno senjal da sem ftica!

- No, pak je ne tak strašno. Bodi srečen kaj si ne dobil i po kljunu. Morti ne razmeš ti to. Trebal si ga ostajti na miru i se bi bilo v redu. Rekla sem ti kaj mu nesmeš povedati da je Veronika domaj. Ona bi čez par dni odišla i nebi tak zišel, kak si ve zišel.

- Ve mi je žal, jako žal kaj sem se zlajal. Prosim natočite mi drugu. Srce mi još jako toče.

- Čekaj, čekaj malo da vidim. Nekva ženska se naljukavle na njegov grunt. Da si ne pisnul. Na, tu ti je flaša i da si se ne pomeknol.

GDJE JE SUSJED?

Soseda Jana je, za tjeden dni mi je prepovedal Ivek, brzo zišla vun i pitala gospodičnu koga treba. Veronika je rekla da je doma dva tjedna i da bi ga štela videti. Da su ljudi u seli rekli da tu ve živi.

Mene, koj sem pijan ležal i glavu držal na japičinem kufreku, zakljumpani i zakljenjeni. Nesem čul niti Veroniku, a niti sosedu Janu... senjal sem da Veroniku peljam na japičinem muškem becikljinu i da ji črne lasi plešeju na vetru... der se bar nej nigdar zbudil...

A vuni... druga priča...
- Jee, gospodična, mislim da ste malo zakesnili. On vam je v Minhenu, tam, mislim da su se žene spominale, ima nekvu bogatu Švabicu. Žal mi je... mu kaj poručim?

Veronika je gledela v sosedu Janu i stiha rekla:
- Samo ga lijepo pozdravite. Htjela sam malo popričati, ali nije važno. Doviđenja...

- Zbogom, dete drago. Zbogom.

Trump na meti zbog lošeg rukovanja: provjerili smo kako to rade naši saborski zastupnici
Sorry, tvoja verzija web preglednika više nije podržana.

Za pristup portalu, a i zbog sigurnosnih razloga molimo te da nadogradiš svoj preglednik na najnoviju verziju.