Povezane vijesti
STARI DEČKO Ljubi me, Veronika

STARI DEČKO Ljubi me, Veronika

Izbori su za nami. Ja, Zvjezdan Međimurski obavil sem se po svoji savjesti i dobri volji. Zaokružil sem mlade ljude, to jedino morem reči. Iveka sem...

STARI DEČKO Časna se ftaplja

Nemrem vam reči kakve sem denes volje. Senjal sem da sem z rokami trgal oblake, i to vam nemre biti nikakva dobra vest. Zadnji put dok sem senjal nekaj sličnoga, doktor mi je rekel da moram na operaciju s kičmom i da bum dogo gledel zvezde. Tak je i bilo. Ležal sem kak klada i nikud nikam. A osim toga ionak se osečam kak klada. Pitali bote zakaj. Zato kaj je Veronika denes pak odišla.

Soseda Jana su mi zabranili dojti v njuvu hižu, a Ivek od sramote ne vupa nikam. Nek hmerje od gladi, ali ja mu po kruha nejdem. Znam, pak bote pitali zakaj. Zato, dragi moji kaj očem kaj zabi kak opče kruh zgljeda. Te čovek, to vam je sama sramota. Nek hmerje od gladi. On od gladi, ja od ljubavi, Veronika od straha i greha, a soseda Jana od sramote.

Opče ne znam dal da vam sprepovedam kaj smo doživeli na Dravi. Ali jeno znam sigurno. Ako ova meterna štruca od čoveka ne hmerje od gladi, ako treba odnesem ga z golemi rokami pak v kuružnjak i tam bu po te vručini zdehnul od gugutanja. Pod lokotom bo tak dogo, dok mu na duša na jeziku.

Znate da sem vam rekel da bi se Veronika rada malo v Dravi skopala. Zelena lampica mi se mam vužgala, kak bi se pod vodom mogli stiskati i dok ništo ne vidi, kušuvati.
Drava je ve ne kak negda, kaj bilo puno pličaki, ve vam je centrala i dogi ravni kanal, dosta zdena voda, hajt glaboka. To je kaj se tiče vode. No, mislil sem da se bomo znašli nekak. Da stvar bu hujša, nakon štrte rakije je Ivek sosedi Jani rekel da planeramo kopanje, a ona je mam rekla da je... za.

Da ima štiri badekostime koje si je kupila mam kak je postala dovica, a da je onoga s korpicami još ne mela na sebi. Lepi, naranđasti, rekla je, a korpice cecke deržiju na štrapac. Mislila je reči, kak ruski vojnik pušku. Morete si misliti, kaj me bokca čakalo z dvema ženami i šlajfarom, dok resprestremo stolnjaka na plaži. Sem sem dal do znanja kaj se bodo ponašali kak Bog zapoveda i kaj nado ljudi sumljivo gledeli kaj se ve časna kopa. Ovi mlajši ju niti ne poznaju, zato.

Je, kaj nam zabil, Ivek si je v gače sprobal bar deset vugurki, jer to mu bo zdiglo, koraža i kak na televiziji znaju reči, rejtinga. A on kak je bedasti, znate da si je v gače del vekšega vugorka nego je trebal.

No znal sem ja mam kak bu se zišlo. Ali nesem znal da bu se zišlo tak hudo za njega.

NA KOPANJU

Veronika je ne puno govorila, samo se nasmehavala. Imela je lepoga bikinija, svetlo plavoga. I nemrem reči, fanj guzicu. Kak bi ju rad bil stisnul i ščehal od radosti.

Soseda Jana je kre gunja dela korpicu kak za Vuzem. Z korpe je štrčal grljanjek od flaše. Sigurno je mela malo nekve žestine, garant.

Ja sem imel bokserice v kojima sem se navek namakal, pak je se bilo kakti normalno. Ničega me ne bilo sram, jer itak sem vam ja mešanec Dalmatinca i Međimurke.

No ve se zastor otpira kak na pozornici i Ivek se počel slačiti. Soseda Jana si je sela oblečena i čakala dok se sleče Ivek. Majicu si je slagal na se moguče načine samo kaj odugovleče z hlačami. A unda si je omeknul i hlače.

Jajsiga meni, stvarno si je dogoga zavinjenoga vugorka fteknul kre noge v nogavicu. Soseda Jana se štimala kaj pajcek v cekeru. Hurma jena, stvarno niti jen nemaju pamet.

Ljudi su nas opče ne gledeli kak smo mislili. Išli smo si prema vodi, a soseda Jana si je tek sljekla majicu. Ja sem gledel samo Veroniku koja je hodala kak po iglaj i jafkala radi kamenčeki.

Of bedak se mam hitil vu vodu i počel plavati. Doviknul sem mu nek nejde dalko. I mi smo zaplavalji deset metri od pličaka. Deca su vriskala od veselja.

Najempot je Veronika počela tonuti. Jajsiga meni, prijel sem ju za roku i ona je samo rekla...krč. I pak se napila vode.

-Dečkiii. Brzo sim – vikal sem. – Časna se ftaplja. Pomorite mi!

Mam su dva dečki čudno pogljedali, doplavali i ž njom smo plavalji vun. Činilo mi se kak da je spila pol Drave. Na sreču, nikaj ji je ne bilo. Soseda Jana si je sončala triglava, ne se znalo kaj je kaj. Koljena, ona stvar, želodec, petica, nos... baš se rezljejala po celom gunju.

-Ljudi! - viknol je pak nešto. – Ivek se ftaplja. Nemremo ga vun sprajti. Neda se. Ftopil se bo. Tone se niže i niže...

Veronika je bila na sigurnom, pak sem se obrnul tam de se Ivek se vu vodi navlačil z dečkima.

- Ivek, imej pamet! Vugurka si zemi z gači i doplavaj vun. Neš se valjda ftopil.

Dečki su ne meli pojma zakaj sem to rekel, a Ivek je vugorka poškomač pustil z gači kaj potone. Znal sem da mi to pak nabo zabil. Jebiga.

Mi smo na Dravi ostali dobre tri vure. Najeli smo se i napili. Več je bilo pet vur i pakovali smo se dimo. Veronika je rekla da morem prinji prespati.

Ivek se ne dal z vode. Niti jemput je ne zišel vun. Čakal je kaj se smrkne. To je valjda bilo najdokše kopanje v njegvem životu.

Soseda Jana se spekla kak raca. Dva dni je bila sa od jogurta. A meni se, kak da vam velim, sponova vrnula mladost. Veronika, kam gord odišla, moje je i jutro i večer i cela obala Drave. Ali jeno sem si zapamtil.

Ono kaj ti voda mora odnesti, ti odnese, a kaj ti mora donesti, ti donese. Eh, da su japica Gusti živi rekli bi... nedaj kaj se naša loza dotrgne.

A da njim rekel da mi je draga časna sestra, oni bi rekli kak su i znali reči. Najljepše stvari se f kmici ne vide, ali svetiju.

Nakon toga prijeli bi se za srce, i k sebi stisnuli gosaka Gustija.

Sakomu sveti v životu ono kaj i koga ima rad. Se ostalo je friška figa.

'Samo nebo zna' - i Vera Čudina: svoje proročanske moći demonstrirala u centru Zagreba
Sorry, tvoja verzija web preglednika više nije podržana.

Za pristup portalu, a i zbog sigurnosnih razloga molimo te da nadogradiš svoj preglednik na najnoviju verziju.