Povezane vijesti
KOLUMNA Tračak nade...

KOLUMNA Tračak nade...

(„Šutio sam kad su nacisti zatvarali komuniste, jer ja nisam bio komunist. – Šutio sam i kad su zatvarali sindikalce, jer ja nisam bio sindikalac. – Š...

KOLUMNA Kam i komu da dojdem?

Da te dosegne malo vekš broj let, i možđeni ti počnu nekak drugač delati. Nemreš se zmisliti kaj si včera jel, a pamtiš kaj se pripetilo pred 50 i više let. Kak da je včera bilo.

Fnogi bi rekli, kaj se vredi zmišljuvati mladosti i kak je negda bilo. Istina je da o tomu moreju pisati oni kaj pišu povijest. No nemrejo oni pisati o duši maloga čoveka, njegvim željama i delima.

I onda se u mislima vrnem tam nekam v zdovnja prešla i zginula, ljeta. Tim prejdi kaj so Veljka meša, (Velika Gospa) i Rokovo pred vrotima. Od navek kuljko pamtim za svoja leta, moji Draškovčani rashitani po svetu, čuvali so svoje dopuste, godišnje odmore, da bi se za to dvo svetka našli skup.

Denešnja mladež teško da more razmeti da ne bilo važno što je bil f partizanima, što je bil domobranec.

Važno je bilo to da se si skup zideju na Rokovskom prošćenju. Oni prvi kaj su bili partizanci i komunisti niso išli k meši ni vjutro a niti popolne, no s velikim so tekom mlotili tuste, šopane goske, race, prove čurke s hajdinskom kašom i kvelnom, zdruzganoga kalampira i na noglo kisele vugurke. Perece, gibanice i druge koloče nam ni spominjal. Za pice smo unda ni znali.

Već rano v jutro sosed Joži Kobol navil je mali radio kaj je cela vulica mogla plesati. Čovek i sosed šteroga nemrem nigdor pozobiti. Prvi je v seli mel radio.

Foršpan, predigru ili zagrijavanje za večer i zabavu, najbolje so skorištovali Gorčki cigoni. Moja generacija sigurno pamti cigana Ivana, koritora i njegve mostoče. Majstor za kopanje korita i stroganja. Njegov sin Adam pak je v roke zel violinu. Išli so od hiže do hiže a oni kaj so se već nagnojili špricerov i gemištov dočakali bi ih kak ozebli sonce.

Puno pot so nam bili jolni Svetomarčani. Pri njimi je prošćenje na Veljku mešu a pri nami v Droškovci na Rokovo. Zakaj? Licitari i ringišpiljači bi več podvečer selili svoju meštriju v Droškovce.

Jedno ljeto, tam pri kroju pedesetih v selu su bile tri zobave na šterima su igrali bandisti. Igrali su kaj su znali i mogli. Tam negdi koli dve vure,v jutro i naši japice so znali skočiti k bandistima i zaiskali muziku kaj im je v srcu.

Bilo je i čardaša a najljepše je bilo gledati da so se ti stori ljudi prijali jen do drugoga i pala je zapovijed. Az a szép, az a szép: Az a szép, az a szép, akinek a szeme kék, akinek a szeme kék.A unda na krilima špricerov na red je dšlo i ovo. Halgati zene, ili Halgati nota. Zapravo ciganska verzija soula, samo nama puno bliža i srcedrapateljska.

Mlodi so pak šteli Crvenu suknjicu, Marinu i ostale popularne šlagere.

Kroljevski bandisti (iz Donjeg Kraljevca) meli so v to vreme jenoga od najboljših pređera ( prva truba).

Što denes more pozobiti gospona Pištu Belovarija. To je bil as. Za nas je bil, Sačmo, Nini Rosoi ostali velikani. Bor smo mi tak mislili. I denes mi je v vuhima i srcu.

Mi Droškovčani smo se štimali kaj je med njima bil jen z našeg sela. Špoljerov japa so igrali v rog. Jebeš moža ili dečka šteroga bor jempot v življenjo, bandisti niso dimo sprevojali.

Tam pod jutro koli pete vure znalo se v kolo prijeti nekaj dečkof i mužev, pređeru za trombentu deli 100 dinari i iskali da im odigraju neslužbenu međimursku himnu „Suksurenu“. Bogme so dečki popevali na ves glos.

„Suksurena, Suksurena, što ti cucu peta,negda mama negda japa negda i jo soma. Selske babe mele so materijola za kvocanje do Male meše i nove zobave.

I dok so na Pijocu licitari i ringišpiljači pomali prepbrojali kuljko so zasljužili, v Zelinišći je bil nogometni turnir. Bilo je smeha da je lopta dletela v Blažinčićevu Grabu. Deca so s koritom išla po nju. S druge strone prema hiži zadrugora Bolte (šefa prodavaonice) znola je dleteti v kuruzu.

Nešterni pot je to kuruza dobro došla i socu da so ga naganjali domoći navijoči.

Mi deca morali smo paziti, locirati i dimo izručiti, Prečnog kuma( z Ludbrega), Gorčkoga kuma, nedaj bože da mi je promaknul tetec Tonči Kolarić z Oprovca. Red je bil da ih pozovemo na obe. Malo so se tobože krotili kaj bi ih mi malo već namoljali. No to je samo bilo da bi si ukazali na važnost. Bez bitenjka niso smeli dimo. Bila je sramota ne deti por koloči da kum, ili drugi gost odnese dimo.

Denes se si skupa moramo zapitati. Zidemo li se na prošćenju ili na obedu mi „mlodi“ zapraf njihovi nasljedniki? Denes da bi se slučajno i sreli jedni druge naj poznali.

Stori pohmirali a mlodi idu svojim potem.

Puno pajdošov i sadašnjih prijatelov zove i pita: - Boš došel dimo za Rokovo?

A jo im žmefka srca lažem. Nebom. Nemrem. Kćer i zet nemajo dopusta i vnuk je pri meni.

Istina je jen del. Je, mlodi delaju a vnuk ima drugog dedu i baku ki ga jednok imajo radi kak žena i jo.

Puna je istina čistam druga pripovest? Kam i komu morem dojti?

Grunt, hiža i ve tam stoje obnovljeni uređeni. Prozni. Bez ljudi, bez duše. Bratić i sestrična otišli tamo gdje su se udali, oženili. Očinski grunt se samo održava. Posjećujemo se, viđamo, i s velikom dozom nostalgije govorimo o tome kak je negda bilo.

Veliju mi da je v celem seli tak. Prozni grunti, prozne hiže. Se se podira. Čovek hmerje da mu dojde čas. Si velimo, to je Božja volja i da mora biti tak. (Krleža- Ni med cvetjem ni pravice) Ali za pet rana Božjih kaj je sa selom. Selo nam hmira. Kaj je i tomu došla smrtna vura. I što je ve tomu kriv? Si s prstom vupiru v one gori na Markovu Trgu.

Niso samo oni gori krivi za to. Denimo roko na srce i priznajmo. Storci so pomrli a mi mlodi smo pomali počeli gubiti štronjge kaj so nas vezale . Kuljko se bratičov i sestrični med sobom pozna i posjećuje? Da li se poznajo njihova deca? Neznajo ni kak se šteri zove. Da ga ni Facebooka nebi ni znali da nas išće ima.

O ovom i ovakvom selu nebodo pisali novokomponirani povjesničari. Ne znaj reči ni kaj a imena im prejdi najdem v turskim sapunicama nego katoličkom kalendoru.

PS

Dragim pajdašicama i pajdašima kaj so z menom v Draškovsku školu išli. Dragici Špirk, Naceku, a specijalno našoj učiteljici nevjerovatnoj i neuništivoj gospođi Zorki (Papp) Čerpinko. Hvala Bogu živa i zdrava a čakovečku preparandiju završila 1953.

Droškovčani nek demantiraju ak sam kaj krivo rekel.

Akcija RTL pomaže djeci vratila osmijeh na lice 140 tisuća lica: u nedjelju nova humanitarna emisija
Sorry, tvoja verzija web preglednika više nije podržana.

Za pristup portalu, a i zbog sigurnosnih razloga molimo te da nadogradiš svoj preglednik na najnoviju verziju.